बिदुरः नुवाकोटको पुर्वी भेगमा रहेको शिवपुरीमा भालुको आक्रमण गर्दा एक जना स्थानीय वृद्ध घाइते भएका छन् । वृद्धको अस्पतालमा उपचार भइरहेको छ ।सदरमुकाम बिदुरदेखि ४५ किलोमिटर पुर्वमा रहेको शिवपुरी गाउँपालिका–२, राल्पडाँडामा मङ्गलबार भालुको आक्रमणबाट स्थानीय ६१ बर्षिय धनबहादुर तामाङ सख्त घाइते भएको वडाध्यक्ष कुमार तामाङले जानकारी दिए । उनका अनुसार बारीमा काम गर्न जाने क्रममा वृद्ध तामाङमाथि भालुले एक्कासी आक्रमण गरेको हो ।
स्थानीयवासीले उद्धार गरि उनलाई उपचारका लागि अस्पताल लगिएको हो । बारीमा काम गर्ने क्रममा स्थानीय वृद्ध धनबहादुर तामाङमाथि भालुले आक्रमण गरि सख्त घाइते भएका उनको त्रिवि शिक्षण अस्पताल महाराजगन्जमा उपचार भइरहेको छ । भालुको आक्रमणबाट वृद्ध तामाङको टाउको र शरीरका विभिन्न अंगमा चोट लागेको छ । घटनास्थलवाट उद्धार गरि उनलाई प्राथमिक उपचारपश्चात् तत्काल थप उपचारका लागि काठमाडौँस्थित लगिएको थियो ।
